Baş səhifə  arrow Yeniliklər arrow Dissertasiya şurasının növbəti iclası keçirildi
Dissertasiya şurasının növbəti iclası keçirildi Print
   25 İyun 2009, saat 12:00

Image

25 iyun 2009-cu il tarixdə AMEA İnformasiya Texnologiyaları İnstitutunda institutun nəzdindəki N.01.231 dissertasiya şurasının növbəti iclası keçirildi. İTİ-nin direktoru, dissertasiya şurasının sədri, AMEA-nın müxbir üzvü Rasim Əliquliyev iclasın gündəliyində duran məsələlər haqqında məlumat verdi.

Sonra texnika elmləri namizədi alimlik dərəcəsi almaq iddiasında olanlar İTİ-nin aspirantı Fərhad Yusifovun 05.13.01 “Sistemli analiz, idarəetmə və informasiyanın işlənməsi” ixtisası üzrə “Log-fayllar əsasında İnternetdən istifadənin analizi üçün metod və alqoritmlərin işlənməsi”, institutun dissertantları Lalə Kərimovanın “Korporativ şəbəkələrin təhlükəsizliyinə olan bəzi tip təhlükələrin aşkar olunması üçün metod və alqoritmlərin işlənməsi”, Qalib Əliyevin “CRM strategiyası əsasında müştəriyönümlü elektron kommersiya sistemlərinin sintezi üçün model və alqoritmlərin işlənməsi” və Məhəmməd Şərifovun “Şəbəkə mühitində nizamsız struktura malik informasiya fəzalarının optimal strukturlaşdırılması üçün metod və alqoritmlərin işlənməsi” mövzularına dair dissertasiya işləri üzrə rəsmi opponentlər və aparıcı təşkilatlar təyin olunaraq, təsdiq edildi.